یادگیر: کرناٹک یونین آف ورکنگ جرنلسٹ ایسوسی ایشن تنظیم کی جانب سے ریاست کے تمام اضلاع میں ہر سال یکم جولائی سے 31 جولائی تک یوم صحافت پروگرام کا انعقاد کیا جاتا ہے۔
اس پروگرام کے تحت مختلف زبانوں کے صحافیوں کو ان کی نمایا خدمات پر انہیں اعزازات و انعامات سے نوازا جاتا ہے، لیکن اس سال تنظیم کی جانب سے کیے گئے سالانہ یوم صحافت پروگرام میں اردو صحافیوں کو نظرانداز کیا گیا۔
اس تعلق سے کل ہند مجلس اتحادالمسلمین کے صدر ذاکر احمد نے کرناٹک کے یونین آف ورکنگ جرنلسٹ ایسوسی ایشن کے ریاستی صدر شیوانند سے مطالبہ کیا کہ جس طرح سے ریاست بھر میں کرناٹک یونین آف ورکنگ جرنلسٹ ایسوسی ایشن کی جانب سے ہر سال صحافیوں کے ان کی نمایاں خدمات پر اعزازات و انعامات دیے جاتے ہیں۔ اسی طرح سے اردو صحافیوں کو بھی نظر انداز نہ کرتے ہوئے اعزازات و انعامات سے نوازا جائے۔
انہوں نے کہا کہ اردو ایک عالمی زبان ہے اس زبان کو ماننے والے پڑھنے والے اور سمجھنے والے پوری دنیا میں موجود ہیں۔
مزید پڑھیں:
پیگاسس اور کسانوں کے مسئلے پر راہل کی قیادت میں اپوزیشن کی میٹنگ، پارلیمنٹ تک سائیکل مارچ
ذاکر احمد نے مزید کہا کہ صحافیوں کی اس تنظیم کو غیر جانبداری سے کام لیتے ہوئے تمام زبانوں کے صحافیوں کو اہمیت دی جانی چاہیے اور خاص کرکے اردو صحافیوں کو ان کی نمایاں خدمات پر انہیں اعزازات اور انعامات سے نوازا جانا چاہئے۔
