کرناٹک میں سیلاب جیسی صورتحال، وزیراعظم کا وزیراعلیٰ سے رابطہ

کرناٹک میں سیلاب جیسی صورتحال کی وجہ سے حالات انتہائی ابتر ہے۔ سب سے زیادہ ضلع گلبرگہ شدید بارش سے متاثر ہوا ہے۔

پڑوسی ریاست مہاراشٹرا میں دریائے بھیما پر بنے ویر اور اجینی ذخائر آب سے پانی چھوڑے جانے کے بعد ریاست کرناٹک میں حالات انتہائی ابتر ہوگئے جبکہ امکان ہے کہ پانی کی سطح میں مزید اضافہ کی وجہ سے دریائے بھیما سے 7 لاکھ کیوزک پانی چھوڑا جاسکتا ہے جس سے تقریباً ایک سے زائد دیہات متاثر ہوسکتے ہیں۔

وزیراعظم نریندر مودی نے کرناٹک میں شدید بارش کی وجہ سے ہوئے نقصان پر دکھ کا اظہار کیا۔ نریندر مودی نے کرناٹک کے وزیراعلیٰ سے فون پر بات کی اور ریاست کے حالات کا جائزہ لیا۔ انہوں نے وزیراعلیٰ بی ایس ایدورپا کو مرکزی حکومت کی جانب سے بچاؤ و راحت کاری اقدامات میں ہرممکن مدد کرنے کا تیقن دیا۔

وزیراعظم مودی نے متاثرین سے اظہار یگانگت کا اظہار کیا اور جانی مالی نقصان پر افسوس بھی ظاہر کیا۔