بنگلورو: ایک مسلم طالب علم کو قصاب کہہ کر مخاطب کرنے کے الزام میں کالج کے ایک پروفیسر کو معطل کیے جانے کے ایک دن بعد کرناٹک کے وزیر تعلیم بی. ناگیش نے منگل کو کہا کہ یہ کوئی ایشو نہیں ہے۔ ناگیش نے یہاں نامہ نگاروں سے کہاکہ 'جب کسی کو قصاب کہہ کر مخاطب کیا جاتا ہے تو کوئی مسئلہ کیوں ہو؟' تقریباً ہر کوئی راون یا شکونی جیسے الفاظ استعمال کرتا ہے۔ اسمبلی میں بھی کئی بار ہم نے یہ نام لیے ہیں۔ یہ کوئی مسئلہ نہیں بنتا۔' Kasab Remark
واضح رہے کہ اجمل قصاب ایک پاکستانی دہشت گرد تھا جو 26/11 ممبئی دہشت گردانہ حملے کو انجام دیتے ہوئے پکڑا گیا تھا اور اسے 2012 میں پھانسی دی گئی تھی۔ گزشتہ ہفتے سوشل میڈیا پر وائرل ہونے والی ایک ویڈیو میں اُڈوپی کے ایک معروف انجینئرنگ انسٹی ٹیوٹ کے پروفیسر نے ایک مسلمان طالب علم سے اس کا نام پوچھا تو طالب علم نے جواب دیاکہ ’’اوہ، تم قصاب کی طرح ہو۔' لفظوں کی جنگ شروع ہو گئی اور بعد میں پروفیسر کو طالب علم سے یہ کہتے ہوئے سنا جا سکتا ہے کہ 'تم میرے بیٹے کی طرح ہو' اور وہ مذاق پر معذرت خواہ ہیں۔ ویڈیو کے بڑے پیمانے پر وائرل ہونے کے بعد ادارے نے پروفیسر کو معطل کر کے انکوائری کا حکم دیا۔
بعد ازاں انسٹی ٹیوٹ نے ایک بیان جاری کرتے ہوئے کہا کہ 'ہم چاہتے ہیں کہ ہر کوئی جان لے کہ انسٹی ٹیوٹ نہ صرف اس طرح کے رویے کو معاف نہیں کرتا بلکہ ایسے واقعات سے طے شدہ پالیسی کے مطابق نمٹا جائے گا۔'
یہ بھی پڑھیں: Professor Calling A Muslim Student Terrorist کیا آپ اپنے بیٹے کو دہشت گرد کہیں گے؟
یواین آئی
