اس کے موقع پر ضلع یوتھ کانگریس کے رکن ایرنا پاٹل نے کہا کہ ملک میں بی جے پی کی مرکزی حکومت ذات پات کی سیاست کر رہی ہے، ملک میں گاوکشی و ماب لنچنگ کے نام پر انسانیت کا قتل کیا جارہا ہے۔
انھوں نے مزید کہا کہ ملک میں جو کوئی بھی اپوزیشن رہنما مرکزی حکومت کے خلاف بولنے کی کوشش کرتا ہے حکومت ان اپوزیشن رہنماؤں پر مقدمہ کرکے انھیں پھنسانے کی کوشش کرتی ہے۔خاص کر کے سابق مرکزی وزیر پی چدمبرم کو پھنسانے کی کوشش کی جارہی ہے۔
پاٹل نے مزید کہا کہ ملک میں وزیر اعظم نریندر مودی اور وزیر داخلہ امت شاہ اپنی ہی من مانی کر رہے ہیں وہ ملک کی ترقی کے کام کر نے کے بجائے عوام کو ذات پات کی نفرت میں ڈال کر گمراہ کررہے ہیں۔
پاٹل نے یہ بھی کہا کہ کشمیر میں لوگوں کی زندگی مشکلات میں گزرہی ہے وہاں پر بھی نریندر مودی اور امت شاہ کے خلاف بولنے والے فاروق عبداللہ اور محبوبہ مفتی کو بھی نظر بند کیا گیا۔
