جماعت اسلامی ہند کی جانب سے خواتین کے مسائل کا سروے
مسلم معاشرے کو مضبوت بنانے کی فکر کے ساتھ جماعت اسلامی ہند شعبہ خواتین کی جانب سے 10 روزہ ملک گیر مہم بعنوان "مضبوط خاندان-مضبوط سماج" چلائی جارہی ہے۔
جس کے تحت ایک اہم موضوع "مسلم خاندانوں کو درپیش مسائل کا سروے" بھی کیا جارہا ہے، تاکہ اس مسئلے کو حل کرنے کے لیے کوشش کی جا سکے۔
اس سلسلے میں بات کرتے ہوئے جماعت اسلامی ہند شعبہ خواتین کی سیکرٹری امت الرزاق نے بتایا کہ یہ سروے اس لیے کیا جارہا ہے کہ ملک بھر میں مختلف طبقوں کے مسلمانوں کے خاندانوں کے تعلیمی، معاشی، ازدواجی و دیگر مسائل کو جان کر اس کا حل کیا جا سکے۔
مہم کے دوران کئے جا رہے اس سروے کے طریقہ کار کی تفصیل دیتے یوئے مہم کی ریاستی کنوینر تسنیم فرضانہ نے بتایا کس طرح جماعت اسلامی ہند شعبہ خواتین کی کیڑرز ملک بھر میں متحرک ہونگے اور مذکورہ سروے کا تجزیہ کیسے کیا جائیگا۔
انہوں نے بتایا کہ سروے کا تمامتر ڈیٹا محفوظ رکھا جائیگا۔
امت الرزاق نے بتایا کہ اس سروے و تجزیہ کی تکمیل کے بعد ملک بھر کے دانشور طبقے و غیر حکومتی ادارروں کے ساتھ مل کر امت کے خاندانوں کو درپیش مسائل کے حل کے لیے کام کیا جائےگا تاکہ ان خاندانوں کے حالات کو خوشگوار بنایا جاسکے۔
