مرکزی حکومت کی جانب سے گذشتہ مانسون اجلاس کے دوران پارلیمنٹ میں برٹش دور میں بنائے گئے قوانین کو منسوخ کرنے اور ان کے متبادل نئے قوانین بنانے کے سلسلہ میں تین بل پیش کئے ہیں. جو حسب ذیل ہیں۔۔
1) بھارتیہ نیا سنہتا بل 2023 آئی پی سی 1860 کو تبدیل کرتا ہے۔
2) بھارتی شہری تحفظ سنہتا بل 2023 کا مقصد کریمنل پروسیجر ایکٹ 1898 کو تبدیل کرنا ہے.
3) بھارتیہ ساکشیہ بل کا مقصد انڈین ایویڈینس ایکٹ 1872 کو تبدیل کرنا ہے.
اس سلسلے میں بات کرتے ہوئے ایڈووکیٹ انور علی نے کہا کہ جو جرائم برٹش کے دور میں رہے تھے اب بھی جرائم کی وہی نوعیت ہے. انگریزوں نے اپنے دور میں جن جرائم کا ارتکاب دیکھا ان کے مطابق تعزیری دفعات بنا رکھے تھے. انہوں نے کہا کہ اگر مرکزی حکومت کی جانب سے بنائے جارہے قوانین اگر "بہتر" ہوں تو ہی ان کی قدر ممکن ہے. انور علی نے کہاکہ اب یہ دیکھنا ہوگا کہ برٹش دور کے قوانین بہتر ہیں یا پھر مودی حکومت کی جانب سے بنائے جارہے نئے قوانین بہتر ہوں گے. یہ دیکھنا ابھی باقی ہے کہ برطانوی ایکٹ بہتر تھے یا جو بل میں تجویز کیے گئے ہیں وہ بہتر ہیں۔
یہ بھی پڑھیں: Ayodhya Temple Construction رام مندر کے تعمیراتی کاموں کا ٹھیکہ مسلمانوں کو دینے پر رام سینا کا اعتراض
