Deve Gowda on Uniform Civil Code یکساں سول کوڈ کو نافذ کرنا آسان نہیں، دیوے گوڑا

سابق وزیر اعظم ایچ ڈی دیوے گوڑا نے کہا کہ مخالفت کے پیش نظر یکساں سول کوڈ کو نافذ کرنا اتنا آسان نہیں ہے۔ واضح رہے کہ 25 نومبر کو مرکزی وزیر داخلہ امت شاہ نے کہا تھا کہ بی جے پی تمام جمہوری عمل اور اس پر بات چیت کے بعد ملک میں یو سی سی لانے کے لیے پرعزم ہے۔ Uniform Civil Code in India

میسور: بھارت کے سابق وزیر اعظم اور جنتا دل سیکولر سپریمو ایچ ڈی دیوے گوڑا نے کہا کہ مخالفت کے پیش نظر یکساں سول کوڈ (یو سی سی) کو نافذ کرنا اتنا آسان نہیں ہے۔ یو سی سی کے مسئلہ پر نامہ نگاروں کے ایک سوال کا جواب دیتے ہوئے ایچ ڈی دیوے گوڑا نے کہاکہ ''یہ اتنا آسان نہیں ہے۔ اس کی مخالفت ضرور ہوگی۔" جب ان سے پوچھا گیا کہ کیا اس سے بھارتیہ جنتا پارٹی (بی جے پی) کو فائدہ پہنچے گا تو دیوے گوڑا نے کہا کہ 'اگر آپ آئین پر غور کریں تو بی جے پی کو یو سی سی کو نافذ کرنے کے لیے کافی جدوجہد کرنی پڑے گی۔' Deve Gowda on Uniform Civil Code

جب ان سے پوچھا گیا کہ کیا وہ یو سی سی کے خلاف ہیں۔ انہوں نے کہا میں آئین کے ساتھ کھڑا رہوں گا۔ واضح رہے کہ 25 نومبر کو مرکزی وزیر داخلہ امت شاہ نے کہا تھا کہ بی جے پی تمام جمہوری عمل اور اس پر بات چیت کے بعد ملک میں یو سی سی لانے کے لیے پرعزم ہے۔

یو این آئی