سابق ریاستی وزیر آر روشن بیگ پر الزام ہے کہ انہوں نے آئی ایم اے پونزی اسکیم کو فروغ دیا جس کے نتیجے میں تقریباً ایک لاکھ لوگوں نے اس میں کروڑوں روپے کا سرمایہ ڈیپازٹ کیا جو دھوکہ دہی کا شکار ہوئے۔
واضح رہے کہ آئی ایم اے کے سرغنہ منصور خان نے روشن بیگ پر اپنے ایک آڈیو اور ویڈیو میں الزام عائد کیا تھا کہ انہوں نے ان سے 400 کروڑ روپئے لئے تھے لیکن واپس نہیں کیے گئے۔ جس کی وجہ سے منصور خان کا نقصان ہوا تھا۔
اب سی بی آئی کے مطابق روشن بیگ کو ہراست میں لئے جانے کی وجوہات میں سے منصور خان کے وہ آڈیو اور ویڈیو ہیں۔
اس سلسلے میں آئی ایم اے کے متاثرین کا کہنا ہے کہ روشن بیگ کی گرفتاری بہت بڑا قدم ہے، جس سے انہیں امید جاگی ہے کہ انہیں اپنا سرمایہ واپس مل سکتا ہے۔
آئی ایم اے متاثرین حکومت و سی بی آئی سے مانگ کر رہے ہیں کہ ان سیاستدانوں، علما و افسران کو بھی گرفتار کیا جائے جن کے نام منصور خان نے اپنے آڈیو اور ویڈیو میں لئے تھے۔
