لاک ڈاؤن سے متاثر کاروباروں کے لیے آئی آئی سی سی بی ایک ویکسین کی مانند ہے

ساری دنیا کورونا وائرس کی وباء سے متاثر ہوئی ہے، نہ صرف عام زندگی بلکہ ہر درجے کے کاروباروں کا بھی ناقابل تصور نقصان ہوا ہے۔

ان حالات میں بدحال کاروباروں کو پھر سے بحال کرنے کی نیت سے کرناٹک کے دارالحکومت بنگلور میں متعدد دانشوران و پروفیشنلز کے ایک گروہ نے "انڈیا اسلامک چیمبر آف کامرس اینڈ بیورو" نامی ایک پلیٹ فارم کا قیام کیا۔

اس سلسلے میں بات کرتے ہوئے تنظیم کی مینیجنگ کمیٹی کے رکن ڈاکٹر رفیع اللہ بیگ نے بتایا کہ آئی آئی سی سی بی موجودہ حالات میں نہ صرف بدحال کاروباریوں کی رہنمائی کر کے انہیں زندہ کرے گا بلکہ نئے کاروباروں کو فروغ دینے کا عمل بھی جارے کرے گا۔

اس موقع پر محمد فاروق نے بتایا کہ آئی آئی سی سی بی کاروبار کے علاوہ مختلف اقسام کے موضوعات جیسے تعلیم، صحت، خواتین کی بہبودی وغیرہ پر منصوبے کے ساتھ کام کریں گے۔

ڈاکٹر رفیع اللہ بیگ نے مزید بتایا کہ شروعات ہی میں آئی سی سی بی کے 6 ریاستی چیپٹرس کی ابتدا ہوچکی ہے اور متعدد بیرونی ممالک میں بھی عالمی چیپٹرس کے قیام کا سلسلہ جاری ہے۔