ریاست کرناٹک کے گلبرگہ شہر میں مرکزی سیرت کمیٹی اور ملی کونسل گلبرگہ کے زیراہتمام دفتر حج کمیٹی میں تین روزہ نعت خوانی، اذان، قرآت اور تقریری مقابلوں کا انعقاد عمل میں آیا۔
گلبرگہ: سیرت النبیﷺ کے عنوان سے تعلیمی مقابلوں کا انعقاد
اس موقع پر سیرت کمیٹی کے کارگذار صدر ڈاکٹر اضغر چلبل نے کہاکہ سیرت النبیﷺ پر چلتے ہوئے اسلام دشمن طاقتوں کا مقابلہ کیا جاسکتا ہے۔ اسی مقصد کے تحت طلباء و طالبات کےلیے سیرت النبیﷺ کے عنوان سے تقریری مقابلہ کا انعقاد کیا گیا تاکہ طلباء میں دینی شعور پیدا کیا جاسکے۔
انہوں نے کہا کہ نوجوان نسل کی مدہبی معلومات میں اضافہ کرنے کے مقصد کے تحت مذہبی مقابلوں کا انعقاد عمل میں لایا گیا۔ مقابلوں میں کامیاب طلبا کو انعامات سے نوازا جائے گا۔
