کرناٹک کے شہر گلبرگہ میں بارے ہل سرکل رنگ روڈ کے قریب واقع منور ملٹی اسپشیالٹی ہسپتال میں یوم جمہوریہ کے موقع پر مفت ہیلتھ کیمپ منعقد کیا گیا۔ اس کیمپ میں متعدد مریضوں کا مفت ہیلتھ چیک اپ، بلڈ ٹیسٹ کے ساتھ ساتھ مفت دوائیں بھی تقسیم کی گئیں۔
گلبرگہ: یوم جمہوریہ کے موقع پر مفت صحت کیمپ کا انعقاد
اس موقع پر ڈاکٹر فاروق احمد منور نے کہا کہ آج کا دن ہر بھارتی کے لیے خاص دن ہے۔ غریب مزدور عوام کے لئے مفت علاج کر نے کے مقصد سے یہ ہیلتھ کیمپ منعقد کیا گیا ہے۔
انھوں نے بتایا کہ آج سب سے زیادہ شوگر کے مریضوں نے آکر اپنا ٹیسٹ کرایا ہے۔ ان دنوں سب سے زیادہ شوگر کے مریض سامنے آرہے ہیں۔ ہم نے مریضوں کو روزانہ ورزش کر نے کی عادات ڈالنے اور پکوانوں میں زیادہ تیل کا استعمال نہ کر نے کا مشورہ دیا۔ وقت پر اپنا علاج کرانے کی بھی بات بتائی۔ اس موقع پر کئی افراد نے اس کیمپ کے ذریعے اپنا ہیلتھ چیک اپ کروایا۔
