کانفرنس میں ایرانی رہنما چیرمین حوض علمیہ آیت اللہ آغا سید علی رضا نے خطاب کرتے ہوئے مسلمانوں کو اتحاد کی دعوت دی۔
سید علی رضا نے کہا کہ مسلمانوں کا عالمی سطح پر متحد ہونا وقت کی اہم ضرورت ہے، لہذا مسلمانوں کو مسلکی اختلافات کے باوجود مشترکہ مسائل پر متحد ہونا چاہئے۔
انہوں نے کہا کہ امت مسلمہ میں اتحاد کے ساتھ دیگر مذاہب کے لوگوں کے درمیان بھی قربت پیدا کرنا وقت کی اہم ضرورت ہے۔
اپنے خطاب میں سید علی رضا نے مزید کہا کہ دنین میں مسلمانوں کی کثیر تعداد ہے۔ امت کے نوجوان باصلاحیت ہیں اور دشمن سے مقابلہ کےلیے وسائل بھی بہت ہیں لیکن افسوس کہ ہمارے درمیاں پھیلے انتشار سے دشمن کے حوصلے بلند ہیں۔
انہوں نے ایرانی رہنما آیت اللہ خمینی کے حوالے سے مسلمانوں کو مشورہ دیا کہ وہ اپنے تمام تر اختلافات کے باوجود مشترکہ مسائل پر متحد ہوجائیں۔
اس موققع پر شہر کے معروف علمائے کرام مولانا صغیر احمد رشادی اور مولانا مقصود عمران نے بھی مسلمانوں سے اتحاد کی اپیل کی۔
