کرناٹک کے ضلع یادگیر کی ڈپٹی کمشنر ڈاکٹر راگا پریا نے بتایا کہ ریاستی حکومت نے یادگیر ضلع کے لیے دس نئے وینٹلیٹرز منظور کیے ہیں۔
انھوں نے کہا کہ ان وینٹی لیٹرس کے ذریعے مریضوں کو علاج میں بڑی مدد حاصل ہوگی۔ ڈپٹی کمشنر نے مزید کہا کہ پہلے ہی سے کووڈ اسپتال یادگیر میں 17 وینٹی لیٹرز موجود ہیں۔ حکومت کی جانب سے مزید دس نئے وینٹی لیٹرز آجانے کے بعد علاج کے کاموں میں تیزی آجائے گی۔
انہوں نے کہا کہ جن مریضوں کی حالت پیچیدہ ہوا کرتی ہے۔ ایسے مریضوں کے لیے وینٹی لیٹرز کا استعمال کیا جاتا ہے۔ انہوں نے کہا کہ جن لوگوں میں کووڈ کی علامتیں پائی جاتی ہیں انہیں آر ٹی پی سی آر جانچ کروانا پڑے گا۔ یہ طریقے کار تعلقہ سطح کے ہسپتال میں اپنایا گیا ہے۔ انہوں نے مزید اس بات کا بھی ذکر کیا کہ یہ بڑے افسوس کی بات ہے کہ مریض کی حالت جب تشویشناک ہوجاتی ہے تب ہسپتال سے رجوع ہوا کرتے ہیں۔ جب کہ علامتوں کے ظاہر ہوتے ہی جانچ اور علاج پر توجہ دینے کی ضرورت ہے۔
