یادگیر کے مستحقین میں راشن کی تقسیم

کورونا وائرس کی روک تھام کے لیے لگائے گئے لاک ڈاؤن کی وجہ سے روزمرہ کا کام کرنے والے لوگوں کو دو وقت کا کھانا بھی مشکل ہوتا جا رہا ہے، اسی بات کو ذہن میں رکھتے ہوئے شہر کے مدرسہ عربیہ اسلامیہ صفتہ الصالحات للبنات و اہل خیر حضرات یادگیر کی جانب سے غریب اور مستحقین میں راشن کی تقسیم عمل میں آ رہی ہے۔

مولانا مفتی سمیع الدین صدر مدرسہ ہذا نے ای ٹی وی بھارت سے بات کرتے ہوئے بتایا کہ مدرسہ وہ اہل خیر حضرات کی جانب سے راشن کی تقسیم پچھلے ایک ہفتے سے عمل میں لائی جارہی ہے اور انشاء اللہ جب تک لاک ڈاؤن رہے گا، راشن کی تقسیم جاری رہے گی۔

مولانا مفتی نے عوام سے اپیل کرتے ہوئے کہا کہ اپنے پڑوس میں مستحق احباب میں راشن کی تقسیم کرے تاکہ وہ لوگ بھی دو وقت کا کھانا پیٹ بھر کھا سکیں۔