ریاست کرناٹک شہر گلبرگہ میں واقع کرناٹک سینٹرل یونیورسٹی کا 5 واں کانووکیشن کورونا وائرس کی وجہ سے احتیاطی تدابیر کے ساتھ منعقد ہوا جس میں وائس چانسلر ایم مہیشور نے 5 ممتاز شخصیات کواعزازی ڈاکٹر یٹ عطا کی۔
اس کانووکیشن میں ممتاز ادیب وجانند، آرٹسٹ ایم جی برادر، ناول نگار ایس ایل بھرپا، سماجی کارکن ایس تما اکا، شاعر چناویر اور اسرو چیف ڈاکٹر کے سیون کو اعزازی ڈاکٹریٹ کی دی گئی۔
اس کانوکیشن میں 38 طلبہ و طالبات کو گولڈ میڈل، 25 ریسرچ اسکالرس کو پی ایچ ڈی اور 665 طلبہ و طالبات کو مختلف ڈگریاں تقو یض کی گئی۔
اس دوران یونیورسٹی گرانٹس کمیشن( یوجی سی) کے صدر پروفیسر ڈی پی سنگھ نے کہا کہ شعبہ تعلیم میں ناقابل تسخیر اور بڑے پیمانے پر تبدیلی لانے کے لیے مقصد سے مرکزی حکومت نے نئی تعلیمی پالیسی جاری کی ہے اور اس پر موثر عمل آوری کی ذمہ داری ملک کی تمام یونیورسٹیز اور اعلیٰ تعلیمی اداروں پر ہے۔
انہوں نے کہا کہ 'ہم تمام لوگوں کو مشترکہ تعاون سے اعلیٰ تعلیم کے معیار کو برقرار رکھنے کے ساتھ ساتھ اسے مزید مضبوط و مستحکم بنانا ہوگا اور اس کے لیے تعلیمی اداروں کی تشکیل کرنا ہوگا۔
