کرناٹک قانون ساز کونسل انتخابات کے لیے اس بار متعدد سیاسی جماعتوں کے درمیان زبردست مقابلہ دیکھنے کو مل سکتا ہے۔
قانون ساز کونسل انتخابات کے لیے زبردست مقابلہ
حیدرآباد کرناٹک کا شمال مشرقی حلقہ کے کرناٹک قانون ساز کونسل انتخابات 28 اکتوبر کو ہونے جارہا ہے۔ اس سے پہلے اس حلقہ سے سنہ 2014 میں کانگریس پارٹی کے امیدوار شرنپا مٹور کو کامیابی ملی تھی۔
یہ بھی پڑھیں: کرناٹک میں کووڈ-19 کیسز میں کمی
اس مرتبہ بھی شرنپا مٹور کو کانگریس نے اپنا امیدوار بنایا ہے اور بی جے پی سے سشیل نموشی، جے ڈی ایس پارٹی سے تمیا پرلے انتخابات میں حصہ لے رہے ہیں۔
یہاں پر کانگریس، بی جے پی اور جے ڈی ایس تینوں سیاسی پارٹیوں کے درمیان زبردست مقابلہ دیکھا جارہا ہے۔ اب دیکھنا یہ ہے کہ یہاں سے اس بار 2020 کے انتخابات میں ٹیچرس کس پارٹی کے امیدوار کو کامیاب بنانے والے ہیں۔ یہ انتخابی نتائج کے بعد ہی معلوم ہوگا۔
