بیدر، کرناٹک: تمام پھلوں میں بادشاہ کی حیثیت رکھنے والا خوش ذائقہ خوشبودار پھل آم ہر عمر کے افراد کو پسند ہوتا ہے، عام واحد پھل ہے جس سے دل نہیں بھرتا اور یہی وجہ ہے کہ بچے بڑے بوڑھے اور جوان اس پھل کو ان گنت تعداد میں کھانا پسند کرتے ہیں۔ People Worried Over Rising Mango Prices in Bidar۔ کہا جاتا ہے کہ آم کھانے سے صحت برقرار رہتی ہے، اس کے علاوہ بے شمار طبی فائدے بھی حاصل ہوتے ہیں، بھارت میں پیدا ہونے والا آم دنیا بھر میں مشہور ہے، آم کی کی اقسام بھی پائی جاتی ہیں۔ آم کی ہر قسم یکساں پسند کی جاتی ہے لیکن اس سال عام کی قیمتوں میں غیر معمولی اضافہ دیکھا جارہا ہے۔
ریاست کرناٹک کے شہر بیدر میں پھلوں کے بادشاہ کی قیمتیں 120 روپے تا دو سو روپے فی کلو کے حساب سے فروخت کی جا رہی ہے، دکانداروں کے مطابق گزشتہ سال کے مقابلے اس سال 70 فی صد تک درآمد میں کمی کے نتیجے میں اس کی طلب میں اضافہ ہوا ہے۔ دکانداروں نے بتایا کہ ٹرانسپورٹ کے اخراجات میں اضافہ ہوا ہے، اس کا سیدھا اثر قیمت پر پڑا ہے، جاریہ سال آم کی کم پیداوار کے سبب کام مہنگا ہوگیا ہے۔
- مزید پڑھیں:Mango Prices Move Up: حیدرآباد میں ’آم‘ عام آدمی کی دسترس سے باہر، قیمتوں میں اضافہ کا امکان
گزشتہ سال فی کلو 30 روپے سے 50 روپے کے درمیان فروخت کیا جاتا تھا۔ اس سال آم کی قیمت بڑھ گئی ہے کیونکہ پیداوار میں کمی واقع ہوئی ہے۔ جس کے سبب کی قیمت میں اضافہ ہوا ہے۔
