لاک ڈاؤن: پانچویں مرحلے میں بھی آٹو ڈرائیورز پریشان

ملک میں کورونا وائرس وبا کی وجہ سے لاک ڈاؤن کا پانچواں مرحلہ چل رہا ہے جہاں بازار بھی کھلے ہیں اور سڑکوں پر سے پابندیاں بھی ہٹادی گئی ہیں۔

ریاست کرناٹک کے دارالحکومت بنگلور میں بھی لاک ڈاؤن کے پانچوے مرحلے میں کافی ڈھیل دی گئی ہے لیکن آٹو ڈرائیورز ابھی بھی کئی دشواریوں کا سامنا کر رہے ہیں۔

بازار کھلنے کے باوجود لوگ اپنے گھروں سے باہر نہیں نکل رہے جس کی وجہ سے آٹو ڈرائیورز کو مسافر نہیں مل پا رہے ہیں ، دوسری جانب آٹو ڈرائیورز کے لیے حکومت کرناٹک کے اعلان کردہ 5،000 روپیوں کی اسکیم بھی اس قدر پیچیدہ ہے کہ اس سے ہر آٹو ڈرائیور کو فائدہ ممکن نہیں۔

ای ٹی وی بھارت سے بات کرتے ہوئے متعدد آٹو ڈرائیورز اور سماجی کارکنان نے افسوس کا اظہار کیا۔