بنگلور: کھجور اور میوہ جات کی قیمتوں میں کمی

رمضان المبارک کی بابرکت ساعتیں شروع ہوچکی ہیں اور برادران اسلام ماہ مقدس میں صیام کی تیاریاں مکمل کر رہے ہیں۔ اس ضمن میں بات کی جائے تو کھجور اور دیگر میوہ جات ایام صیام میں بڑے ہی اہم ہیں۔

اس سلسلے میں ای ٹی وی بھارت نے شہر گلستان بنگلور کے قدیم بازار رسیل مارکیٹ میں دورہ کیا کہ گزشتہ سال کے بنسبت اس سال کھجور اور میوہ جات کیسے ہیں؟

اس تعلق سے رسیل مارکیٹ کے میوہ جات کے تاجر ادریس چودھری نے بتایا کہ اس سال متعدد عربی ممالک سے ڈھیر ساری اقسام کے کھجور اور میوہ جات آئے ہوئے ہیں۔

کھجور اور میوہ جات

اس رمضان المبارک میں ڈرائی فروٹس کی قیمتیں تقریباً 40 فیصد کم ہوئی ہیں۔ حج و عمرہ میں عازمین کی تعداد کم ہونے کی وجہ سے سعودی عرب میں کھجور ایک بڑی تعداد میں رہ گئے ہیں، جس کی وجہ سے کھجور اور دیگر میوہ جات کی قیمتوں میں بھاری گراوٹ آئی ہے۔

کھجور

اشاروں سے بات کرنے والا بے زبان امیدوار

کھجور

اس موقع پر خریدار خوش نظر آرہے ہیں کہ نہ صرف کھجور اور میوہ جات کی قیمتیں کم ہے بلکہ اس بار کھجوروں کی بھی بہت سی اقسام موجود ہیں۔