موسم گرما میں مشروبات کا زیادہ سے زیادہ استعمال کریں: ڈاکٹر رفیق سوداگر

دھوپ کی شدت کی وجہ سے لوگ کا زیادہ پسینہ خارج ہوتاہے، جس کے سبب سر میں چکر، سر میں درد، حلق میں جلن کے علاوہ پیٹ میں درد کی اکثر شکایتیں ہوتی ہیں۔

ڈاکٹر رفیق سوداگر نے ای ٹی وی بھارت سے بات کرتے ہوئے کہاکہ کرناٹک کے تمام گردو نواح میں ان دنوں دھوپ کافی شدید ہے۔

علاقے میں 42 سے43 ڈگری سیلسیس تک ریکارڈ کیا جا رہا ہے۔

دھوپ کی شدت کی وجہ سے لوگ کا زیادہ پسینہ خارج ہوتاہے، جس کے سبب سر میں چکر، سر میں درد، حلق میں جلن کے علاوہ پیٹ میں درد کی اکثر شکایتیں ہوتی ہیں۔
اس لیے عوام کو چاہیے کہ روزانہ کثرت سے پانی کا استعمال کریں۔

ڈاکٹر نے مزید بتایاکہ دن میں ٹھنڈے مشروبات کا زیاہ سے زیادہ استعمال زیادہ کریں، جس میں ناریل پانی اور لیموں پانی کے علاوہ الیکٹرول اور گلوکون ڈی کو پانی میں ملا کر وقفے وقفے سے استعمال کریں۔

ڈاکٹر رفیع سوداگر نے عوام سے اپیل کی ہے کہ بلاوجہ صبح 11 بجے سے شام 4 بجے تک باہر نہ نکلیں، اگر ضروری کام کی وجہ سے جانا ہی ہوتو احتیاطی طور پر چھتری اور سوتی کپڑوں کا استعمال کریں۔

واضح رہے کہ کرناٹک حکومت کی جانب سے ہربرس ماہ اپریل اور مئی دو مہینوں کے لیے سرکاری دفاتر کے اوقات تبدیل کئے جاتے ہیں، اور انھیں صبح آٹھ بجے سے دوپہر ایک بجے تک کر دیا جاتا ہے۔