کرناٹک کے سینئر صحافی و ایڈیٹر روزنامہ بہمنی نیوز عزیزاللہ سرمست گلبرگہ نے اپنے دورے یادگیر کے موقع پر سوشل میڈیا اور اس کی اہمیت سے متعلق میڈیا سے بات کی۔
اس موقع پر انہوں نے کہا کہ 'سوشل میڈیا وقت کی اہم ضرورت ہے کیونکہ مین اسٹریم میڈیا عوام کے حقیقی مسائل کو دکھانے میں ناکام ہے جس کی وجہ سے ملک کا اہم میڈیا لوگوں کے نظروں سے اعتماد کھو رہا ہے۔' Social media Vs Main Stream Media
انہوں نے کہا کہ آج لوگوں کا سوشل میڈیا پر اعتماد کرنے کی وجہ یہ ہے کہ سوشل میڈیا نے عوام کے مسائل کو اٹھانے میں پہل کی ہے۔ باوجود اس کے سوشل میڈیا کو وہ مسلمہ حیثیت حاصل نہیں ہے جو مین میڈیا کو ہے۔
انہوں نے مزید کہا کہ سوشل میڈیا کی بھی یہ ذمہ داری ہے کہ وہ حالات اور واقعات کی تصدیق کریں اور حقائق پر مبنی خبروں کو ہی اپ لوڈ کریں۔ Social Media and Facts
پرانی اور غیر ذمہ دار خبروں کو اپ لوڈ کر نے سے اعتماد ختم ہو جاتا ہے اور یہ عوام کو بھی گمراہ کرنے والی بات ہے جو غیرقانونی اور انسانیت کے خلاف ہے۔
