شہر میں ترقیاتی کاموں کا آغاز

اس موقع پر رکن اسمبلی وینکٹ ریڈی نے کہا کہ 'شہر میں سڑکوں کی تعمیر اور پینے کا پانی میری اولین ترجیح ہے'۔

ریاست کرناٹک کے ضلع یادگیر کے رکن اسمبلی وینکٹ ریڈی کورونا وائرس سے صحت یاب ہوگئے ہیں۔

اس کے بعد انھوں نے شہر کے ترقیاتی کاموں میں تیزی لاتے ہوئے بلدی حلقہ 30 اور 25 میں ترقیاتی کاموں کا آغاز کیا ہے۔

ترقیاتی کاموں کا آغاز کرتے ہوئے حلقہ نمبر 25 میں سی سی روڈ کام کا آغاز کیا ہے۔

حلقہ نمبر 30 سہارا کالونی میں ڈرین اور سی سی روڈ کے کاموں کا آغاز کرتے ہوئے بھومی پوجا میں حصہ لیا

اس موقع پر رکن اسمبلی وینکٹ ریڈی نے کہا کہ 'شہر میں سڑکوں کی تعمیر اور پینے کا پانی میری اولین ترجیح ہے'۔

انہوں نے کہا کہ 'نالیوں میں کچرا نہ ڈالیں۔ محکمہ بلدیہ کی جانب سے رکھے گئے کچرا دان میں کچرے کو جمع کریں'۔

انہوں نے کچرے کو سڑکوں کے دونوں جانب ڈالنے پر سخت ناراضگی کا اظہار کیا۔

انہوں نے کہا کہ تیز ہوا کی وجہ سے کچرا دکانوں اور مکانوں کے سامنے آتا ہے اور کبھی کبھی نالیوں میں جمع ہو جاتا ہے۔

انھوں نے مزید کہا ہے کہ 'اس سے پانی کا جمع ہونا لازمی ہوتا ہے اور روکے ہوئے پانی میں مچھروں کی افزائش ہوتی ہے جس سے مختلف قسم کی بیماریاں جنم لیتی ہیں'۔