ریاست کرناٹک کے ضلع یادگیر کے ڈپٹی کمشنر آفس کے عملے کا کورونا وائرس ٹیسٹ کیا گیا، ڈپٹی کمشنر یادگیر کرما راو، ایڈیشنل ڈپٹی کمشنر راجپوت، سپرنٹنڈنٹ آف پولیس رشی کیش بھگوان کی کورونا رپورٹ نیگیٹو آئی جبکہ دیگر چند کی رپورٹ پوزیٹیو آنے کے بعد ڈپٹی کمشنر آفس کو سیل کردیا گیا۔
دفتر میں موجود تمام محکمہ جات کے علاوہ ڈپٹی کمشنر آفس کی پوری عمارت پر جراثیم کش ادویات کا چھڑکاؤ کیا جا رہا ہے۔ ضلع میں کورونا وائرس کے بڑھتے ہوئے معاملات کو دیکھ کر انتظامیہ الرٹ ہوگیا۔
حکومت کرناٹک نے کورونا وائرس کے بڑھتے کیسز کو دیکھتے ہوئے دوبارہ لاک ڈاون نافذ کرنے کا اعلان کیا، 14 سے 25 جولائی تک بنگلورو شہر اور اس سے متصل دیہی علاقوں میں لاک ڈاون نافذ رہے گا۔
