یادگیر: یادگیر ضلع ڈپٹی کمشنر سنیہل آر نے کہا کہ ٹرانسجینڈر کمینیٹی سے خواہش کی کہ وہ آئندہ اسمبلی عام انتخابات میں ووٹ ڈالنے کے لیے ووٹر لسٹ میں اپنا نام درج کرائیں۔ انہوں نے ڈپٹی کمشنر آفس ہال میں ووٹر لسٹ میں ناموں کے اندراج سے متعلق شعور بیداری مہم کے سلسلہ میں منعقدہ ایک اجلاس سے خطاب کررہے تھے۔ ڈپٹی کمشنر نے کہا کہ ایک عظیم جمہوری ملک ہندوستان میں انتخابات ایک تہوار کی مانند ہیں، انہوں نے ہر ایک سے مطالبہ کیا کہ وہ ایسے انتخابی نظام میں حصہ لیں جو ملک کی ترقی کے لیے سازگار ہو اور ہر شہری جسے ووٹ دینے کا حق ہے، ووٹ دے کر اپنا فرض ادا کرے۔ ضلع ڈپٹی کمشنر نے کہا کہ جن کی عمر 18 سال سے زیادہ ہے وہ ووٹر لسٹ میں اپنا نام درج کرائیں، اگر کسی کا نام فہرست میں رہ گیا ہے تو ووٹر رجسٹریشن افسران کو ان کے ناموں کو شامل کرنے کے لیے اقدامات کرنے کی ہدایت دی گئی ہے۔
یہ بھی پڑھیں:
- Assembly Election in Karnataka یادگیر انتظامیہ کی سیاسی پارٹیوں سے شفاف انتخابات کیلئے تعاون کی اپیل
اس میٹنگ کا انعقاد ضلع کی تمام لوگوں کو ووٹر کارڈ دینے کے مقصد سے کیا گیا ہے۔ کچھ کے پاس پہلے ہی ووٹر شناختی کارڈ موجود ہیں۔ جن لوگوں کو ووٹر شناختی کارڈ نہیں ملا ھے انہیں ووٹر کارڈ حاصل کرنا چاہیے، جس سے صحیح نمائندوں کو منتخب کرنے میں آسانی ہوگی۔ اس لیے سب کو لازمی ووٹ دینا چاہیے۔ اگر کوئی مسئلہ ہے تو ہمیں بتائیں اور ہم چیک کریں گے اور کارروائی کی جائے گی۔ ڈپٹی کمشنر نے مزید کہا کہ الیکشن کمیشن نے 80 سال سے زائد عمر کے افراد اور معذور افراد کے لیے گھر بیٹھے ووٹ ڈالنے کی سہولت متعارف کرادی ہے۔
اگرچہ ہم 80 سال سے زیادہ عمر کے لوگوں کو پولنگ اسٹیشن آنے کی ترغیب دیتے ہیں، لیکن جو لوگ اس سہولت سے فائدہ اٹھا نا چاہے اٹھا سکتے ہیں۔ اس موقع پر اسسٹنٹ ڈسٹرکٹ کمشنر شرنباسپا، محکمہ خواتین و اطفال کی ترقی کے ڈپٹی ڈائرکٹر رویندر رتناکر، ویمن ڈیولپمنٹ کارپوریشن کی ڈسٹرکٹ انسپکٹر شیومنگلا ایم پرسنا، کرناٹک اسٹیٹ فیڈریشن آف سیکسوئل مینارٹیز کی ریاستی صدر مایا ایس آر نائک، آشا کرن سماجی خدمت تنظیم کے صدر راجہ بسواراج، نائب صدر انکیت بی ڈوڈمنی، سکریٹری پرینکا، ودھیاسری، کرن و دیگر موجود تھے۔
