مزدوروں کو ان کے گھر بھیجنے کو لے کر ضلع یادگیر کے نوڈل آفیسر رکھو ویر سنگھ نے ای ٹی وی بھارت کو بتایا کہ یادگیر شہر کے ڈگری کالج میں رکھے گئے مختلف اضلاع جیسے بلاری، گلبرگہ، رایچو، بیجاپور کے مزدوروں کو ضلع انتظامیہ کی ہدایت پر ان 20 مزدوروں کو طبی معائنہ کرنے کے بعد ان لوگوں کو اپنے اپنے اضلاع میں بسوں کے ذریعے روانہ کیا جا رہا ہے۔
یہ لوگ گزشتہ پندرہ دن سے یہاں پر قیام پذیر تھے۔ ضلع انتظامیہ کی جانب سے ان کے رہنے اور کھانے کا انتظام کیا گیا تھا۔
نوڈل آفیسر رکھو ویر سنگھ نے بتایا کہ قرنطینہ سینٹر میں 28 مزدوروں کو رکھا گیا تھا۔
ریاستی حکومت کے مطابق اندرون ریاست مزدوروں کو اپنے اپنے اضلاع کو بھیجنے کی ہدایت پر عمل کرتے ہوئے 20 لوگوں کو روانہ کیا جا رہا ہے۔
باقی 8 مزدوروں کو جو اڑیسہ اور آندھراپردیش کے ہیں اسی قرنطینہ سینٹر میں رکھا جائے گا۔
