ریاست کرناٹک کے ضلع گلبرگہ کے مختلف مقامات پر کیمپس فرنٹ آف انڈیا کی جانب سے کیمپس فرنٹ آف انڈیا کے قومی لیڈران کی گرفتاری کو لے کر احتجاج کیا گیا۔
اس موقع پر کیمپس فرنٹ آف انڈیا کے ضلع سکریٹری شعیب الیاس نے کہا کہ اترپردیش میں منیشا نامی لڑکی کے ساتھ جنسی زیادتی کر قتل کا معاملہ پیش آیا تھا۔اسی سلسلے میں کیمپس فرنٹ آف انڈیا کے قومی لیڈر عتیق الرحمن اور مسعود اور کیرالہ سے تعلق رکھنے والے صحافی صدیق کپن متاثرہ لڑکی کے اہل خانہ سےملاقات کرنے ان کے گھر گئے تھے، جس کے بعد ان کو گرفتار کر لیا گیا۔ اسی طرح کیمپس فرنٹ آف انڈیا کے قومی جنرل سیکرٹری رؤف شریف صاحب کو بھی بلاوجہ گرفتار کر لیا گیا ہے۔
انہوں نے کہا کہ بی جے پی کی مرکزی حکومت سیکولر تنظیم کو نشانہ بناکر ان کے رہنماؤں کو بلاوجہ گرفتار کررہی ہے۔مرکزی حکومت آواز بلند کرنے والے کئی سیکولر اور ذہین لیڈران کے خلاف بلاوجہ کا مقدمہ درج کر رہی ہے۔بی جے پی حکومت کے خلاف آواز اٹھانے والوں کی آوز کو دبانے کی کوشش کی جارہی ہے۔ہمارا مطالبہ ہے کہ جیل میں قید کیمپس فرنٹ آف انڈیا کے قومی لیڈراں کو جلد از جلد رہا کیا جائےْ
