گلبرگہ سٹی کارپویشن سے جائیداد ٹیکس وصول نہ کرنے کامطالبہ

ریاست کرناٹک کے گلبرگہ سٹی کارپویشن کمشنر سے حیدرآباد کرناٹک چمبرس آف کا مرس اینڈ انڈسٹریز کے چیئرمین پرشانت مانیکر نے اپیل کی کہ اس وقت جائیداد ٹیکس کی وصولی کوروک دیا جائے۔

پرشانت مانیکر کا کہنا ہے کہ اس وقت تجار اور عام آدمی عالمی وبا کورونا وائرس کے سبب مالی لحاظ سے کافی پریشان ہیں۔ عوام اس حالت میں نہیں ہے کہ کہ وہ جائیداد کا ٹیکس ادا کر سکیں ۔آج بھی لوگ تجارت اپنی معیشت کو لے کر بے حد پریشان ہیں ۔

انھوں نے مزید کہا کہ گذشتہ سال ریاست میں سٹی کارپوریشن نے جائید اد ٹیکس میں اضافہ نہیں کیا تھا۔لیکن صرف گلبرگہ سٹی کارپوریشن نے جائیداد کے ٹیکس میں اضافہ کیاتھا۔

امسال بھی گلبرگہ سٹی کارپوریشن نے جائیداد ٹیکس میں 15 فیصد کا اضافہ کیا ہے ۔

ایچ کے سی سی ائی اعزازی سکریٹری شرنوپیپانے کہا کہ ایچ کے سی سی آئی گلبرگہ کے عہدیدار بنگلور میں منعقد فیڈریشن آف کرناٹک چمبرس آف کامرس اینڈ انڈسٹری اجلاس میں شرکت کریں گے۔اور وزیر شہری ترقیات بائیرتی گوڈا کو اس ضمن میں یاداشت پیش کرینگے