وینکٹیش کنڑ روزنامہ وجے کرناٹک کا علاقائی صحافی تھے ہنسگی تعلقہ کے ککیرہ نامی دیہات کا رہائشی 52 سالہ وینکٹیش گزشتہ 15 سالوں سے اخبار میں نامہ نگاری کی خدمات انجام دے رہے تھے۔
صحافی وینکٹیش کی کورونا سے موت ہونے پر یادگیر شہر کے گیسٹ ہاؤس میں ایک تعزیتی اجلاس منعقد کیا گیا یہ تعزیتی اجلاس کرناٹک یونین آف اور کنگ جرنلسٹ ایسوسی ایشن شاخ یادگیر کی جانب سے منعقد کیا گیا۔
اس موقع پر وینکٹیش کی تصویر پر پھول مالا چڑھاتے ہوئے اور دو منٹ خاموشی اختیار کر کے انہیں خراج عقیدت پیش کیا گیا۔
اس موقع پر کنڑ روزنامہ وجے وانی کے رپورٹر لکشمی کانت نے کہا کہ صحافیوں کے لیے ایک ایسی تنظیم ہونی چاہیے جس میں ان کی ناگہانی موت، حادثہ یا پھر دوسرے کاموں کے لیے ان کی بروقت مدد کی جا سکے۔
یہ بھی پڑھیں: 'حضرت شاہ جیون شاہ رحمتہ اللہ علیہ کے آستانہ پر سکون ملتا ہے'
کرناٹک کے یونین آف ورکنگ کمیٹی کے نائب صدر اندودھر نے اپنے خطاب میں کہا کہ صحافیوں کو چاہیے کہ وہ اپنا خاص خیال رکھیں، کیونکہ ہر روز وہ کووڈ دواخانہ، قرنطینہ مرکز، فیور ٹیسٹنگ سنٹر، سرکاری دواخانہ، جیسے مقامات کا دورہ کرتے ہیں جس کی وجہ سے ان کو احتیاط برتنا لازمی ہےکیونکہ جان ہے تو جہان ہے۔
انہوں نے کہا کہ ہماری وجہ سے نہ صرف ہماری صحت بلکہ دوسرے اور خاص کر ہمارے فیملی ممبرز کو تکلیف نہ پہنچے اس لئے ہمیں چاہئے کہ ہم اپنا خاص خیال رکھیں۔
انہوں نے مزید کہا کہ کورونا سے مرنے والے صحافی وینکٹیش کے لیے حکومت کی جانب سے امداد دینے کے لئے اپیل کی جائے گی۔
اس موقع پر یادگیر کے پرنٹ اور الیکٹرانک میڈیا کے تمام صحافی موجود تھے۔
