ریاست کرناٹک کے دارالحکومت بنگلور میں نوریہ سرکل پر ایک بڑی تعداد میں دلت سنگھرش سمیتی کے کارکنان نے حکومت کے خلاف پرزور احتجاج کیا۔ جس میں حکومت کے خلاف نعرے بازی بھی کی گئی اور ریاست میں دلت سماج پر ہو رہے ظلم کے خلاف آواز بھی اٹھائی گئی۔
اس موقع پر مظاہرین نے غصے کا اظہار کرتے ہوئے بتایا کہ نام نہاد اونچی ذات والے لوگوں کا ہم دلتوں پر بے جا زیادتی ہوتی ہے اور نہ پولیس ہماری مدد کو آتی ہے اور نہ ہی حکومت ظالموں کے خلاف کوئی کارروائی کرتی ہے۔
اس موقع پر احتجاجیوں نے ان لوگوں کے خلاف بھی کارروائی کرنے کا مطالبہ کیا جنہوں نے دلت رہنما ڈاکٹر امبیڈکر کی نمایاں کارگردگیوں کا پرچار کر رہے ہیں۔ صحافیوں کو دھمکی دے رہے ہیں۔
اس موقع پر دلت سنگھرش سمیتی کے سیکریٹری باشا نے ای ٹی وی بھارت کو بتایا کہ آج ان کی تنظیم کی جانب سے ریاست گیر مظاہرہ کیا جارہا ہے۔ حکومت سے مطالبہ کیا ہے کہ ریاست کے مختلف اضلاع میں دلتوں پر ہو رہی زیادتی، بائیکاٹ و دیگر ظلم پر فوری طور پر روک لگائی جائے، ورنہ آنے والے دنوں میں دلتوں کا بڑے پیمانے پر آندولن ہوگا۔
