گلبرگہ: سوشل ڈیموکریٹک پارٹی آف انڈیا Social Democratic Party of India کے قومی نائب صدر محمد شافعی نے ریاست کرناٹک کے گلبرگہ شہر کا دورہ کیا۔ اس موقع پر انہوں نے ای ٹی وی بھارت سے گفتگو میں کہا کہ گلبرگہ شہر میں ایس ڈی پی آئی کی جانب 'بھوک سے، آزادی خوف سے آزادی' کے نام پر ایک کانفرنس ہونے والی تھی لیکن افسران نے اجارت نہیں دی ہے۔ محمد شافعی نے کہا کہ ایس ڈی پی آئی عوام کے حق کے لیے ہمیشہ آگے رہی ہے، اسی لیے حکومت ایس ڈی پی آئی پر پابندی لگانے کی کوشش کررہی ہے۔
انہوں نے کہا کہ ملک کا نوجوان آج اگنی پتھ کی مخالفت کر تے ہوئے سڑکوں پر اتر گیا ہے جس سے سمجھ میں آتا ہے کہ یہ اسکیم طلباء مخالف ہے۔ اس اسکیم کے خلاف کئی شہروں میں احتجاج ہوئے لیکن مرکزی حکومت اس پر بات کرنے کے لیے تیار نہیں ہے، صرف اپنی من مانی کر رہی ہے۔ محمد شافعی نے احتجاج کرنے والے نوجوانوں سے اپیل کی کہ وہ تشدد کا راستہ اختیار نہ کریں۔
