ایک دن کی تنخواہ کا عطیہ

کرناٹک ٹرانسپورٹ باڈیز نے وزیراعلیٰ امدادی فنڈ میں ایک دن کی تنخواہ برائے عطیہ کیا ہے۔

کورونا وائرس کے خلاف لڑائی میں ریاستی حکومت کی مدد کے لئے کرناٹک میں چاروں روڈ ٹرانسپورٹ کارپوریشنز کے عہدیداروں اور ملازمین نے بھی حصہ لیا ہے۔

ان عہدیداروں اور ملازمین نے وزیر اعلی کے کورونا امدادی فنڈ میں 9.85 کروڑ روپئے کی اپنی ایک دن کی تنخواہ عطیہ کی ہے۔

ایک سرکاری بیان میں کہا گیا ہے کہ ڈپٹی چیف منسٹر لکشمن ساودی نے یہ چیک وزیر اعلی بی ایس یدیورپا کو سونپ دیا۔ جن کے پاس ٹرانسپورٹ پورٹ فولیو بھی ہے۔

ریاست کی بس خدمات کرناٹک اسٹیٹ روڈ ٹرانسپورٹ کارپوریشن (کے ایس آر ٹی سی)، بنگلور میٹرو پولیٹن ٹرانسپورٹ کارپوریشن (بی ایم ٹی سی)، نارتھ ویسٹ کرناٹک روڈ ٹرانسپورٹ کارپوریشن (این ڈبلیو کے آر ٹی سی) اور نارتھ ایسٹ روڈ ٹرانسپورٹ کارپوریشن (این ای آر ٹی سی) کے ذریعہ چلتی ہیں۔

اس موقع پر روڈ ٹرانسپورٹ کارپوریشنوں اور محکمہ ٹرانسپورٹ کے اعلی عہدیدار موجود تھے۔