کرناٹک میں کورونا واریئرز کی حوصلہ افزائی

بنگلور میں کورونا وائرس وباء کی وجہ سے لوگ خوف زدہ ہیں۔ تو وہیں کئی ایسے واقعات پیش آئے جہاں کورونا سے ہلاک ہوئے باڈی کی تدفین کو لیکر ان کے رشتہ دار بھی سامنے نہیں آ رہے ہیں۔

کرناٹک شہر کی کئی سماجی و دینی تنظیموں سے جڑے مسلم نوجوان آگے آئے اور سینکڑوں کی تعداد میں کووڈ-19 سے ہلاک ہوئے میتوں کی باوقار و باعزت طریقے سے تدفین کا اہتمام کرکے انسانیت کے اعلیٰ اقدار کا مظاہرہ کیا۔

اس سلسلے میں آج جمیعت علماء کرناٹک کی جانب سے ایک اجلاس منعقد کیا گیا جس میں ان مسلم نوجوانوں کو تہنیت پیش کی گئی اور حوصلہ افزائی کی گئی جنہوں نے کووڈ سے ہلاک میتوں کی تدفین کی۔

کرناٹک میں کورونا واریئرز کو تہنیت

کرناٹک میں کورونا واریئرز کو تہنیت

اس موقع پر شہر کے معروف علماء دین، دانشوران کے علاوہ مقامی رکن اسمبلی رضوان ارشد نے بھی شرکت کی اور مذکورہ نوجوانوں کو تہنیت پیش کی۔