کرناٹک کے ضلع یادگیر کے حلقہ نمبر 14 میں 29 مارچ کو بلدیہ کے ضمنی انتخابات کے پیش نظر کانگریس کے کارکنان سرگرم ہیں۔
مذکورہ انتخابات میں بی جے پی، کانگریس، جنتادل سیکولر پارٹی کی جانب سے امیدوار اتارے گئے ہیں۔ کانگریس نے امیدوار کے طور پر ثنا فاطمہ کو اپنا امیدوار بنایا ہے۔
انتخابات کے پیش نظر آج کانگریس پارٹی کی جانب سے حلقہ نمبر14 میں گھر گھر جاکر انتخابی مہم کا آغاز کیا گیا۔
اس موقع پر کانگریس رہنما ڈاکٹر پرویز نے میڈیا سے خطاب کرتے ہوئے کہا کہ بی جے پی کی حکومت ہر سطح پر ناکام ہے۔ بی جے پی حکومت عوام کی ضرورتوں کی تکمیل میں ناکام ہے۔ موجودہ دور میں بی جے پی حکومت نے مہنگائی کا جو بوجھ عام لوگوں پر ڈالا ہے وہ سب کے سامنے ہے۔
انہوں نے کہا کہ بلدیہ حلقہ 14 کی عوام کانگریس پارٹی کی امیدوار کے حق میں ووڈ ڈالنے کے لیے پر عزم ہے۔ کیونکہ کانگریس پارٹی نے ہمیشہ ملک کے قانون اور اصولوں پر چلنے کو اہمیت دی ہے۔ جبکہ بی جے پی حکومت عوام مخالف قوانین لا کر عوام کو پریشان کر رہی ہے ۔
ڈاکٹر پرویز نے حلقہ نمبر 14 کے عوام سے اپیل کی کہ وہ کانگریس پارٹی کی امیدوار ثنا فاطمہ کو کامیاب بنائیں۔
اس موقع پر ضلع کانگریس صدر مری گوڈا، ضلع مہلا کانگریس صدر منجولا، شکیل احمد، عبدالسلیم سگری، قمرالاسلام، رگھوویندر، وینکٹ ریڈی رکن بلدیہ، کے علاوہ کانگریس پارٹی کے دیگر ذمہ داران موجود تھے۔
