اس مہم کو کامیاب بنانا صرف منتخب نمائندوں کی ہی نہیں بلکہ کانگریس بلاک صدر اور کانگریس ورکرز کی بھی ذمہ داری ہے۔ Congress Digital Membership in Karnataka۔ کانگریس ڈیجیٹل ممبرشپ میں اور تیزی لانے کی ضرورت ہے کانگریس ڈیجیٹل ممبرشپ کو یقینی بنایا جائے۔ انہوں نے کہا کہ کانگریس ڈیجیٹل ممبر شپ مہم 30 مارچ تک چلے گی۔ ریاست میں اسمبلی انتخابات ہونے والے ہیں ایسے میں ہر پارٹی زائد اسمبلی نشستوں پر کامیابی حاصل کرنے کی باتیں کرتی ہیں یہ تو رائے دہندہ پر انحصار کرتا ہے۔
قبل از وقت ریاست میں بی جے پی زائد اسمبلی نشستوں کی بات کر رہی ہے یہ تو آنے والا وقت ہی بتائے گا۔ انہوں نے کہا کہ ریاست میں کانگریس کا موقف مستحکم ہے اور ریاست کی عوام کی نظر کانگریس پر ہے ریاستی بی جے پی حکومت کی غلط پالیسیوں نے ریاست کی عوام کو مایوس کر دیا ہے۔ یہی بات کانگریس کو کامیابی دلائی گی۔ لوگوں کو اب بھی کانگریس پر مکمل اعتماد ہے۔ آئے دن یہ اعتماد بڑھتا جا رہا ہے۔ یہ بات ہم نے کانگریس ڈیجیٹل ممبرشپ کا جائزہ لینے کے لئے ریاست بھر کے دورے کے دوران محسوس کی ہے۔
