ریاست کرناٹک کے شہر گلبرگہ میں ایس ایل سی، پی یوسی ڈگری امتحان میں نمایاں کامیابی حاصل کرنے والے طلبا و طالبات، کورونا وائرس اور موجود حالات میں خدمات انجام دینے والے ڈاکٹرز اور تدفین کا کام کرنے والے افراد کو گلپوشی کرتے ہوئے ایوارڈ س سے نوازا گیا۔
اس موقع پر جمیعت باغبان کے صدر الحاج الیاس سیٹھ نے کہا کہ آج تعلیم کے بغیر سماج میں ترقی کرنا ناممکن ہے۔ آج کے دور میں ہر ایک چھوٹے سے لےکر بڑے کاروبار کرنے کے لیے تعلیم یافتہ ہونا بہت ضروری ہے۔
آج کا دور تعلیمی دور ہے۔ اس لیے والدین اپنے بچوں کو تعلیم یافتہ بنائیں۔ اس لیے طلبا کی حوصلہ افزائی کرنے کے لیے ہر برس باغبان برادری کی طرف سے طلبا کے لیے تہنیتی اجلاس کا انعقاد کرکے انھیں ایوارڈ سے نوازا جاتا ہے۔ تاکہ دوسرے بچوں میں اعلی سے اعلیٰ تعلیم حاصل کرنے کا جذبہ پید ہو۔
اس دوران باغبان برادری کے نوجوان کو اعلیٰ تعلیم حاصل کرنے کے لیے تعاون کرنے کے لیے آئی اے ایس، آئی پی ایس کی کوچنگ کی سہولت فراہم کرنے کی بات بتائی۔
