ریاست کرناٹک کے یادگیر میں واقع سوداگر ہسپتال کےڈاکٹر رفیق سوداگر نے موسمی امراض سے متعلق ای ٹی وی بھارت سے بات کی۔
انھوں نے کہا کہ مانسون کےآمد کے ساتھ ہی مختلف موسمی امراض نمودار ہوتے ہیں جس کی وجہ مختلف امراض لاحق ہوتے ہیں، جیسے سردی زکام دست متلی اور قئے ہونا اور جاڑے سے بخار آنا یہ وہ شکایتیں ہیں جو اکثر ان دنوں میں دیکھی جاتی ہیں۔
اس سلسلے میں ڈاکٹر رفیق سوداگر نے بتایا کہ مذکورہ علامتیں پائے جانے کے بعد جلد از جلد ڈاکٹر سے رجوع ہونا چاہئے۔
انھوں نے کہا کہ ان شکایتوں سے ڈرنے کی کوئی بات نہیں ہے۔ سردی بخار اور کھانسی اس موسم کی عام شکایتیں ہیں۔ انہوں نے عوام سے بارش کے پانی سے بچنے اور بارش کے رکے ہوئے گندے پانی سے دور رہنے کے علاوہ پینے کے پانی کو گرم کرنےاورپھرٹھنڈا کرکے پینے کی تجویز پیش کی۔
انہوں نے مزید کہا کہ ان دنوں اپنے آس پاس صفائی کا خاص خیال رکھیں۔
