کورونا وائرس کے پیش نظر اسکول کے امتحانات ملتوی

ریاست کرناٹک میں عالمی وبا کورونا وائرس سے نمٹنے کے لیے احتیاطی تدابیر اختیار کی جا رہی ہے۔

اس ضمن میں سال رواں میں ہونے ساتویں، آٹھویں اور نویں جماعت کے سالانہ امتحانات ملتوی کردیے گئے ہیں۔

ضلع بیدر کے بی ای او، بلاک ایجوکیشن آفیسر محمد گلشن نے پی ٹی وی بھارت سے بات کرتے ہوئے کہا کہ حکومت کرناٹک کی جانب سے محکمہ تعلیمات نے یہ اعلان جاری کیا ہے کہ ساتویں، آٹھویں اور نویں جماعت کے امتحانات ملتوی کر دیے گئے ہیں۔

انہوں نے کہا کہ کورونا آئرس کے خوف سے حکومت نے یہ اقدام اٹھائے ہیں۔

انہوں نے کہا کہ 31 مارچ کے بعد ممکن ہے نئی تاریخ کا اعلان کیا جائے۔

جب کہ حکومت نے پہلے ہی چھٹی جماعت تک تمام بچوں کے لئے چھٹیوں کا اعلان کر چکی ہے۔
اب ہائی سکول میں زیر تعلیم بچوں کے لئے بھی چھٹی کا اعلان کیا جا رہا ہے۔

آئندہ 31 مارچ کے بعد یہ طے کیا جائے گا کہ ان بچوں کے لیے امتحانات کس تاریخ سے ہوں گے۔

دسویں جماعت کے سالانہ امتحانات سے متعلق کے گیے سوال پر انہوں نے کہا کہ دسویں جماعت کے سالانہ امتحانات مقررہ تاریخ پر 27 مارچ تا 9 اپریل تک جاری رہیں گے.

انہوں نے طلباوطالبات سے اپیل کی کہ وہ چھٹیوں کو اپنے گھروں میں گزارے۔