'سی اے اے سے مسلمانوں کو ڈرنے کی ضرورت نہیں'

جہاں ایک طرف متنازعہ شہریت قانون کے خلاف ملک بھر میں احتجاج کا سلسلہ جاری ہے وہیں دوسری جانب کرناٹک اقلیتی کمیشن کے چیرمین عبدالعظیم شہریت قانون کے حامی ہیں۔

ای ٹی وی بھارت سے بات کرتے ہوئے عبدالعظیم نے بتایا کہ شہریت قانون سے بھارتی مسلمانوں کو ڈرنے یا گھبرانے کی ضرورت نہیں ہے۔ انہوں نے کہا کہ وہ ریاست کے تمام اقلیتوں کے ساتھ ہیں اور وہ ان کے حقوق کی پاسداری کریں گے۔

واضح رہے کہ کچھ دن قبل عبدالعظیم کے ایک اخباری بیان پر تنازعہ ہوا تھا جس میں لکھا گیا تھا کہ بھارت کے 99 فیصد مسلمان ہندو ہیں، جس پر وضاحت پیش کرتے ہوئے انہوں نے کہا کہ ’میرے بیان کو الگ انداز میں پیش کیا گیا جبکہ میں نے بھارت کے 99 فیصد مسلمان ہندو تھے کہا تھا‘۔