بنگلورو: کرناٹک میں اقتدار میں آنے والی کانگریس پارٹی میں وزیر اعلیٰ کے نام کے دعویداروں میں سے ایک سدارامیا کی رہائش گاہ کے باہر بدھ کو اس وقت جشن منایا گیا جب ان کے قریبی ساتھیوں نے دعویٰ کیا کہ پارٹی کے اعلیٰ لیڈروں نے انہیں مطلع کیا کہ وہ کرناٹک کے اگلے وزیر اعلیٰ ہوں گے۔کرناٹک کا اگلا وزیر اعلیٰ کون ہوگا اس بارے میں اب تک کوئی سرکاری اعلان نہیں ہوا ہے۔ سدارامیا کے گھر کے باہر حامی خوشی سے جھوم اٹھے جب کئی میڈیا ہاؤسز نے دعویٰ کیا کہ کروبا لیڈر کو اگلا وزیر اعلیٰ مقرر کیا گیا ہے۔ ان میں سے کچھ نے سدارامیا کے پوسٹر پر دودھ ڈالا، اور کچھ نے ان کے گھر کے دروازے پر 'وزیر اعلیٰ سدارامیا' کا ذکر کرتے ہوئے نام کی تختی پرپھول چڑھائے۔دریں اثنا، پولیس حکام نے سری کانتیراوا آؤٹ ڈور اسٹیڈیم کا معائنہ کیا جہاں کرناٹک کی نئی حکومت کی حلف برداری کی تقریب ہونے کا امکان ہے۔
قبل ازیں دوپہر میں مسٹر سدارامیا نے چیف منسٹر کے عہدہ کے لئے شدید پیروی کے درمیان کانگریس لیڈر راہل گاندھی سے ملاقات کی۔ ڈی کے شیوکمار نے بھی راہل گاندھی سے ملاقات کی اور کانگریس کی سابق صدر سونیا گاندھی کی رہائش گاہ پر ایک گھنٹے سے زیادہ اس معاملہ پر بات چیت کی۔ وہیں کرناٹک کے کانگریس پارٹی کے انچارج رندیپ سنگھ سرجے والا، جو کرناٹک کے اگلے وزیر اعلی کے نام کا فیصلہ کرنے میں الجھن سے نمٹ رہے ہیں، بدھ کو کہا کہ پارٹی کے قومی صدر ملکارجن کھڑگے سے ملاقات کریں گے۔
یہ بھی پڑھیں: Karnataka Politics کرناٹک کو کب نیا وزیر اعلیٰ ملے گا، کانگریس کا خلاصہ
