خط میں سدھارتھ نے لکھا ہے کہ ہر مالی لین دین کی ذمہ داری میری ہے۔ قانون کو مجھے اور صرف مجھے اس کا ذمہ دار سمجھنا چاہیے۔ انہوں نے خط میں اپنی مالی حالت اور کاروبار میں ناکامیاب ہونے کے بارے میں لکھا ہے۔
سدھارتھ نے خط میں لکھا ہے کہ مجھے معاف کردیجیئے! ان سبھی لوگوں کو چھوڑنے کے لیے جنہوں نے مجھ پر اعتماد رکھا تھا۔ میں ایک کاروباری شخصیت کے طور پر ناکام رہا ہوں۔ میں نے لمبے عرصے تک لڑائی لڑی، لیکن آج میں نے ہار مان لی کیونکہ میں اب مزید دباؤ برداشت نہیں کرسکتا ہوں۔
خط میں وی جی سدھارتھ نے یہ بھی دعوی کیا ہے کہ انکم ٹیکس کے سابق افسر نے انہیں ہراساں کیا۔ لیکن خط میں انہوں نے افسر کا نام اور پہنچان کا ذکر نہیں کیا ہے۔
واضح رہے کہ دسمبر 2017 میں سدھارتھ کے دفتر پر انکم ٹیکس کے افسروں نے چھاپہ مارا تھا، جسکی وجہ سے انہوں نے کمپنی کو ایک لکھے گئے خط میں کمپنی کے نقصان میں چلنے کی تفصیل دی تھی۔
واضح رہے کہ سدھارتھ سوموار شام سے منگلور کے نیترواتی ندی کے پاس سے لاپتہ ہیں۔
