گلبرگہ میں محمد اعظم شاہد کی کتاب دستک کی تقریب رسم اجرا
گلبرگہ: ریاست کرناٹک کے ضلع گلبرگہ میں واقع گھومتا آئینہ خواجہ بندہ نواز ایوان اردو انجمن ہال میں مشہور شاعر اور کالم نگار محمد اعظم شاہد کی نئی کراب دستک کا اجرا عمل میں آیا۔تقریب رسم اجرا میں مشہور شعرا کرام نے شرکت کی۔اس موقع پر سنئیر صحافی حامد اکمل مدیر ایقان ایکسپریس کے ہاتھوں کتاب اجرا عمل میں آیا۔
انہوں نے خطاب کرتے ہوئے کہا کہ محمد اعظم شاہد معروف ادیب ، کالم نویس اور ایک اچھے صحافی بھی ہیں۔ جن کے کالم ملک کے کئی اخبارات میں شائع ہوئے ہیں۔ انھوں نے ہمیشہ اپنے کالممیں ملت کی فکر کی ہے۔ شائع شدہ تاریخی اہمیت کی حامل تصنیف "دستک"کی رسم اجراء گلبرگہ میں عمل آئی ہے۔ محمد اعظم شاہد بنگلور کے ہیں مگر ان کو گلبرگہ سے سب زیادہ لگاؤ ہے۔
