ریاست کرناٹک میں شہر بنگلور کے فریڈم پارک میں 'جوائنٹ کمیٹی آف ٹریڈ یونین' کی جانب سے بڑے پیمانے پر مودی کی اقتدار والی مرکزی حکومت کے خلاف زبردست احتجاج منعقد کیا گیا جس میں سینکڑوں کی تعداد میں مزدوروں نے شرکت کی اور بی جے پی حکومت کے خلاف نعرے بازی کی۔
مودی حکومت کے مزدور مخالف قوانین ناقابل قبول: مزدور یونینز
اس سلسلے میں ای ٹی وی بھارت سے بات کرتے ہوئے ٹریڈ یونین کے رہنماؤں نے بتایا کہ کورونا وائرس کی وبا کے دوران لاک ڈاؤن کے بہانے سے حکومت نے لیبر قوانین میں کئی تبدیلیاں کی ہیں جو سراسر مزدور مخالف اور پرو کارپوریٹ ہیں۔ یہ قوانین کمپنیوں کو یہ اختیار دیے ہوئے ہیں کہ بنا کسی پروسیجر کے مزدوروں کو برطرف کرے۔
اس موقع پر تمام ٹریڈ یوننز نے مرکزی حکومت سے پرزور مانگ کی کہ لیبر قوانین میں کئے گئے سبھی امینڈمینٹ کو منسوخ کرے اور مزدوروں کے حقوق کو بحال کرے۔
