بنگلور: کرناٹک میں کانگریس حکومت کی تشکیل کے چھ مہینوں کے بعد آخر میں بھارتیہ جنتا پارٹی کے ہائی کمان کی جانب سے فرمان جاری ہوا اور یدیورپا کے بیٹے وجے ندر کو بی جے پی کرناٹک کا صدر منتخب کیا گیا۔ تقرری کے بعد بی جے پی کرناٹک کے نئے ریاستی صدر وجے ندرا نے جمعہ کو میڈیا کو جانکاری دیتے ہوئے بتایا کہ کہ کرناٹک اسمبلی میں اپوزیشن لیڈر کا انتخاب 17 نومبر کو کیا جائے گا۔
وجے ندر نے نامہ نگاروں کو بتایا کہ اگلے ہفتے کے اندر قانون ساز کمیٹی کی میٹنگ طے ہے جس کے دوران اپوزیشن لیڈر کا انتخاب کیا جائے گا۔ انہوں نے مزید وضاحت کی کہ میٹنگ میں مرکز کے پارٹی ممبران کی شرکت ہوگی اور ان کی نگرانی میں اہم فیصلوں کے لیے تمام بی جے پی قانون سازوں کی رائے اکٹھا کی جائے گی۔
مزید پڑھیں: کیا کرناٹک میں کانگریس حکومت مستحکم نہیں ہے؟
کانگریس ایم ایل ایز حکومت کو غیرمستحکم کرنے کی کوششوں کا شکار نہیں ہوں گے، سی ایم سدارامیا
وجے ندر نے مزید بتایا کہ ریاست میں اپوزیشن لیڈر بنائے جانے کو لیکر پارٹی کے قومی صدر جے پی نڈا اور یدیورپا کے درمیان بات چیت ہوچکی ہے اور یہ طے پایا گیا ہے کہ وہ کون ہوگا، جس کا اعلان اسی ماہ کیا جائے گا۔ وجے ندر کے مطابق اس معاملے پر بی جے پی کے تجربہ کار لیڈر بی ایس یدیورپا اور پارٹی کے قومی صدر جے پی نڈا کے درمیان بات چیت ہو چکی ہے۔
