عالمی وبا کورونا وائرس کی روک تھام کے لیے نافذ لاک ڈاؤن کے بعد حالات اور کاروبار تھم گئے تھے حالانکہ حکومت کی جانب سے اب لاک ڈاؤن میں مشروط رعایت دی گئی ہے لیکن حالات دوبارہ معمول پر آنے میں ابھی بھی کافی وقت درکار ہے۔
یوں تو لاک ڈاؤن کی وجہ سے سبھی کاروبار بری طرح متاثر ہوئے تھت لیکن چھوٹے تاجروں کا حال انتہائی خراب ہوا تھا۔
عام لوگوں میں اب روزمرہ کے استعمال کی چیزوں کے علاوہ دیگر کوئی بھی چیز خریدنے میں کوئی دلچسپی نہیں رہی اور ہرشخص سوچ سمجھ کر خرچ کر رہا ہے۔
لاک ڈاؤن کی مار جھیلتا ہوا ایک ایسا ہی چھوٹا تاجر عبدالرشید نے بتایا کہ لاک ڈاؤن کے بعد لوگ گھروں سے باہر تو نکل رہے ہیں لیکن ضروریات زندگی کے علاوہ دیگر کوئی بھی چیز خریدنے میں دلچسپی نہیں دکھا رہے ہیں۔
عبدالرشید کُرسی بنانے کا کام کرتے ہیں اور انہوں نے بتایا کہ 'کاروبار پہلے کی بہ نسبت بالکل ہی کم ہو رہا ہے جس کی وجہ سے ہمیں مزدوروں کو ان کی اجرت دینے میں کافی دشواری پیش آ رہی ہے۔
انہوں نے کہا کہ دوسرے مقامات یا اضلاع میں جا کر اپنی چیزیں فروخت کرنا بھی مسئلہ بن چکا ہے
