بنگلور: اسکول انتظامیہ سے فیس کم کرنے کا مطالبہ

عام آدمی پارٹی کے رہنماوں کا کہنا ہے کہ عالمی وبا کورونا وائرس کے دوران لوگ مالی طور پر پریشان تھے۔کیونکہ ذرائع آمدنی بند تھی اس صورتحال میں والدین اپنے بچوں کے اسکول کی فیس اداکرنے سے قاصر ہیں۔

ریاست کرناٹک کے دار الحکومت بنگلورمیں عام آدمی پارٹی کے رہنماوں اور کارکنان نے احتجاج کرتے ہوئے کہا کہ روزبروز بڑھتی مہنگائی اور عالمی وبا کرونا وائرس کے سبب لوگوں کا آمدنی محدود تھی۔تاہم حکومت مہنگائی پر قابو پانے میں ناکام ثابت ہورہی ہے -

انہوں نے مزید کہا کہ عالمی وبا کورونا وائرس کے دروان تجارتی ادارے،صنعتی مراکز سمیت تما م چیزیں بند تھیں۔ لوگ فاقہ کشی کے دہانے پر پہنچ چکے تھے ۔اس لئے اسکولز انتظامیہ کو چاہیے کہ وہ اسکولز کی ماہانہ فیس کم کی جائے ۔تاکہ طلباء با آسانی تعلیم حاصل کر سکیں کے اس موقع پر طلباء سر پرست بھی اسکولز انتظامیہ کے خلاف بر ہم نظر آئے۔انہوں نے کہا کہ سیاستدانوں نے تعلیم جیسے اہم اور بنیادی چیزوں کو بھی تجارت بنا دیا ہے۔

واضح رہے کہ نجی اسکولز میں فیس کے نام پر موٹی رقم کےحصول پر قابو پانے کے لئے ملک کے مختلف ریاستوں کے ہائی کورٹ اور سپریم کورٹ نے حکومتوں کو ہدایات جاری کی ہیں۔لیکن اب تک عدالت کی ہدایات پر عمل آوری نہیں ہورہی ہے۔