الحاج باباجی کی قیادت میں چلنے والی ادبی تنظیم بزم شاہین کی مقبولیت اس لیے بھی ہے کہ تنظیم اپنے پروگرامز ’قومی یکجہتی‘ کے عنوان پر منعقد کرتی ہے اور گنگا جمنی تہذیب کو فروغ دیتی ہے۔
بنگلور: بزم شاہین کا ’قومی یکجہتی‘ مشاعرہ کا 20 نومبر کو انعقاد
ایک پریس کانفرنس کے دوران الحاج باباجی نے نامہ نگاروں کو بتایا کہ بز شاہین کی جانب سے 20 نومبر کو بنگلور میں عربی کالج کے روبرو زم زم فنکشن ہال میں رات 9 بجے ’قومی یکجہتی‘ کے عنوان پر ایک عظیم الشان مشاعرہ منعقد ہوگا۔ انہوں نے بتایا کہ کورونا وبا کے چلتے مشاعرہ میں کم تعداد میں لوگ شرکت کریں گے۔
انہوں نے مزید بتایا کہ گذشتہ کچھ برسوں میں بزم شاہین کی مقبولیت میں اضافہ ہوا ہے اور ملک کی شمالی ریاستوں میں بھی تنظیم کی شاخیں قائم کی گئی ہیں۔ انہوں نے بزم کی سرگرمیوں کو جاری رکھنے کے عزم کا اظہار کیا۔
