بیرونی ریاستوں سے آئے مزدوروں کے لیے بسوں کا انتظام

ضلع یادگیر میں مہاراشٹر سے آئے 1900 سے زائد مزدوروں کو ان کے آبائی ضلع پہنچانے کے لیے بسوں کا انتظام کیا گیا ہے۔

ریاست کرناٹک کے ضلع یادگیر میں مہاراشٹر سے آئے 1900 سے زائد مزدوروں کو ان کے آبائی ضلع پہنچانے کے لیے محکمہ روڈ ٹرانسپورٹ کارپوریشن ضلع یادگیر کی جانب سے بسوں کا انتظام کیا گیا ہے۔
اس موقع پر ڈویژنل کنٹرولر ہری بابو نے میڈیا سے بات کرتے ہوئے کہا کہ 'یادگیر ریلوے اسٹیشن پر ٹرین سے آنے والے 1900 سے زائد مزدوروں کے لیے 50 بسوں کا انتظام کیا گیا ہے۔'

جس میں یادگیر کے پانچ تعلقہ جات گرمٹکل، شاہ پور، شوراپور، وڈگرہ، ہنسگی، کے علاوہ بیجاپور، کوپل، رائچور جیسے اضلاع کے لیے بھی بسوں کا انتظام کیا گیا ہےاس موقع پر یادگیر ڈیپو مینجر پروین کے علاوہ دیگر عہدیدار بھی موجود تھے۔