کرناٹک میں کورونا کی دوسری لہر کا قہر جاری ہے اس دوران گلبر گہ میں کورونا متاثرین کی تعداد میں ہر روز اضافہ ہورہا ہے اس کے پیش نظر ہسپتال میں بیڈس اور آکسیجن کی بڑی قلت ہے۔
اس موقع پر کل ہند مجلس تعمیر ملت گلبرگہ ضلع کے صدر عبدالجبار گولہ ایڈوکیٹ نے ای ٹی وی بھارت سے بات کرتے ہوئے کہا کہ گلبرگہ کے خانگی اسکول وکالج کے ذمہ داروں سے گزارش ہے کہ وہ کورونا متاثرین کی تعداد کو دیکھتے ہوئے کورونا کیئر سینٹر یا آئسولیشن قائم کرنے کے لئے آگے آئیں۔
انہوں نے کہا کہ اس مہلک وبا پر قابو پانے کے لئے جلد از جلد اقدامات کرنا ہم سب کی ذمہ داری ہے اگر آج ہم اس ذمہ داری کو نہیں نبھائیں گے تو کل قیامت میں اس کے بارے میں ہماری پکڑ ہوگی۔
عبدالجبار گولہ نے کہا کہ کووڈ کی جو مہلک وبا آئی ہے یہ ہماری نافرمانیوں اور بداعمالیوں کی وجہ سے آئی ہے۔ ہمیں کووڈ کے موجودہ حالات کو دیکھتے ہوئے ہر مکمن امداد کے لئے آگے آنے کی سخت ضرورت ہے۔
