کرناٹک میں حکومت کے خلاف احتجاج

ریاست کرناٹک کے شہر بنگلور کے  ٹاؤن ہال میں سوشل ڈیموکریٹک پارٹی آف انڈیا نے مرکزی حکومت کے خلاف  بڑے پیمانے پر احتجاج درج کیا ۔

ایس ڈی پی آئی کے رہنماؤں نے کہا کہ 'جب سے مودی حکومت دوبارہ اقتدار میں آئی ہے۔ وہ ایسے فیصلے کر رہی ہے جو سراسر عوام مخالف ہیں۔'

ایس ڈی پی آئی رہنما جاوید اعظم نے کہا کہ 'مرکزی حکومت نے کشمیر سے آرٹیکل 370 کو ہٹانے میں قوانین کی دھجیاں اڑائی ہیں۔

پارٹی کے رہنما محمد شریف نے کہا کہ 'آرٹیکل 370 کو منسوخ کرنے کے معاملے میں بی جے پی نے بھارت کے دستور پر حملہ کیا ہے۔'

محمد شریف نے مرکزی حکومت کو انتباہ دیا کہ اگر آرٹیکل 370 کو کالعدم نہ کیا گیا تو ایس ڈی پی آئی کی جانب سے ملک بھر میں تحریک چلائی جائے گی۔