تفصیلات کے مطابق نارتھ ایسٹرن کرناٹکا روڈ ٹرانسپورٹ کارپوریشن کی سرکاری بس جو کہ ڈون گاؤں سے چیتاپور کے راستے سے جارہی تھی کہ یہ حادثہ پیش آیا۔
بتایا جارہا ہے کہ ریاست کرناٹک کلبرگی (گلبرگہ) ضلع چیتاپور تعلقہ کے قریب واقع چیتاپور جب این ای کے آر ٹی سی کی یہ بس پہونچی اس کا تصادم ٹِم ٹِم سے ہوگیا، جس کے نتیجہ میں ٹم ٹم میں سوار 98 سالہ شرنپا مالی پاٹل ٹم ٹم الٹنے کے بعد بس کے ٹائر کی زد میں آکر بر سر موقع ہلاک ہوگیا. جب کہ ٹم ٹم میں سوار کئی افراد زخمی ہوگئے ہیں. جنہیں ایمبولینس کے ذریعے چیتاپور کے سرکاری اسپتال پہنچادیا گیا ہے.
مقامی افراد کی کثیر تعداد راحت رسانی کے کاموں کے لیے موقع پر پہونچ گئی، متعلقہ پولیس نے ایک کیس درج کرتے ہوئے مختلف زاویوں سے اس حادثہ کی تحقیقات کا آغاز کردیا ہے۔
